Entrugues frecuentes
¿Quién entama la Bienal Climática?
La Bienal Climática naz como frutu de l’alianza ente’l Ministeriu de Cultura, el Ministeriu pa la Transición Ecolóxica y el Retu Demográficu, el Ministeriu de Vivienda y Axenda Urbana, el Principáu d’Asturies, el Conceyu d’Avilés y la Fundación Atelier itd.
¿La Bienal tien dalguna temática central o llinia curatorial definida?
La Bienal Climática busca fomentar la reflexón y acción en procesos de transición ecolóxica xustos. Pa esto propón un modelu nómada: cada edición desenvuélvese en vinculación a un territoriu y la llinia curatorial defínese a tenor de lo específico del llugar. Los temes pa tratar identifíquense con dellos axentes del territoriu, a partir de la so historia, arquitectura, polítiques públiques, les sos llingües o les sos costumes. Pa identificalos, la Bienal Climática propón un averamientu al territoriu al traviés de metodoloxíes artístiques y de creación interdisciplinar, como son la cartografía crítica o la mediación cultural. En base a esi análisis previu del calter, moliciones y esperances del territoriu rellacionaes con cuestiones climátiques, defínense los ámbitos temáticos.
¿Ye posible unviar una obra, proyectu artísticu o propuesta espositiva pa la edición viniente?
La Bienal Climática apoya la creación artística vinculada a l’acción climática y la transición ecolóxica. La selección de proyectos artísticos faila en xeneral el nuestru equipu comisarial. Pa dalgunes llinies de trabayu, proyectos puntuales, adquisición d’obra o convocatories abiertes pa residencies artístiques cuntamos tamién cola collaboración de comisaries esternes con una esperiencia llarga na intersección ente arte y clima.
Por cuenta del volume tan grande de solicitúes recibíes dende l’anunciu de la creación de la Bienal Climática, anguaño namás estudiamos proyectos que surden d’invitaciones directes a artistes y comisaries pol equipu comisarial de la Bienal Climática o comisaries asociaes. Si bien revisamos les propuestes, priorizamos les que se consideren alliniaes coles propuestes comisariales y namás per corréu electrónicu.
¿La Bienal ufierta programes de residencia?
Sí, la Bienal Climática punxo en marcha dos programes nuevos de residencies que vinculen l’arte, la ciencia, la tecnoloxía y la sociedá (ACTS) coles polítiques públiques. Al traviés de la collaboración cola Axencia Estatal de Meteoroloxía (AEMET) y la Fundación Ciudá de la Enerxía (CIUDEN) del MITECO, la Bienal entamó les residencies ACTS Meteo y ACTS Transiciones Xustes, onde 10 artistes van trabayar colos equipos de l’AEMET y CIUDEN na creación d’obres d’arte. Estes residencies son comisariaes, nun existe convocatoria abierta.
Amás, la Bienal Climática tien abierta una collaboración cola Factoría Cultural d’Avilés pa reforciar el programa de residencies del centru y vinculales a la investigación climática y la creación interdisciplinar. Nesti casu sí hai una convocatoria abierta con beques pa 6 artistes locales, 1 nacional y 1 internacional.
¿Hai una convocatoria abierta agora? ¿Cuáles son les feches clave?
La convocatoria de residencies en Factoría Cultural d’Avilés, el mayor centru de producción cultural de la ciudá, ta abierta hasta’l 21 de xunetu. Puedes atopar tola información al traviés de la nuesa web, redes sociales, plataformes de Factoría Cultural y la nuesa newsletter.
¿Cómo pueden collaborar instituciones, colectivos o espacios culturales?
Amás de la participación nas actividaes de la primer edición, tamos habilitando un espaciu d’escucha y participación pa persones, colectivos o entidaes interesaes en formar parte del procesu, sobre manera a nivel local: el Grupo Raíz. El Grupu Raíz busca conectar a organizaciones y persones interesaes en ser parte del procesu de diseñu de la Bienal Climática.
Puedes manifestar el to interés en participar d’esti grupu completando esti formulariu.
¿Cómo se pue recibir información actualizada sobre la Bienal?
Pa recibir información actualizada sobre la Bienal Climática, soscríbite a la nuestra newsletter.
¿Ónde se pueden facer otres consultes?
Si tienes otres preguntes, puedes contactar col nuestru equipu al traviés d’esti enllaz. Pidímoste que completes tolos campos necesarios pa que podamos responder a la to consulta cola mayor precisión posible. Por cuenta del volume tan altu de solicitúes, agradecemos la to paciencia ente que procesamos el to mensaxe.
¿Cómo pueden contactar los medios de comunicación?
Los medios de comunicación pueden contactar cola Bienal Climática al traviés del nuestru formulariu de contactu. Por favor, escueyi la opción «Mediu de Comunicación» nel campu «Soi o pertenezo a» y indica’l nome del to mediu pa que podamos dirixir la to consulta al equipu afayadizu.
¿Cuándo se va celebrar la edición viniente de la Bienal?
La primer edición de la Bienal Climática va desenvolvese n’Avilés y n’otros puntos d’Asturies ente mayu y setiembre del 2026, trabayando con organizaciones locales pa esparder la programación a nivel rexonal y fomentar el trabayu de contino nel territoriu dende’l 2025.
¿Por qué la 1.er Ed. ye n’Avilés / Asturies?
La escoyeta d’Avilés y Asturies p’acoyer la primer edición de la Bienal Climática nun ye casual: esti territoriu alcuéntrase nun momentu clave de transición. Dende les instituciones públiques, sobre manera dende’l Conceyu d’Avilés, ta impulsándose una axenda de cambéu qu’apuesta por un modelu de ciudá más sostenible y integrador, orientáu a repensar la rellación col entornu, reimaxinar el futuru industrial, revitalizar barrios vulnerables y empoderar a la xente mozo como futuros custodios del clima y la cultura. La Bienal Climática inxértase nesti procesu como axente activu. En collaboración col Conceyu d’Avilés y otros axentes de la ciudá y la rexón, la Bienal Climática va tratar con dellos actores locales y rexonales cuestiones complexes, como les munches transiciones que tán esperimentando Avilés y Asturies.
D’esta manera, la Bienal busca conectar el territoriu, Asturies, la so xente y les sos polítiques públiques, ayudando a visibilizar y catalizar les tresformaciones locales. Amás, tien el compromisu d’ayudar a les discusiones sobre clima y gobernanza global nel planu internacional. Pa esto, ta trabayándose na creación de dellos proyectos artísticos en formatos mui diversos, qu’incluyen esposiciones, nodos de mediación artística, prototipos de naturación urbana o l’apoyu a la creación nueva.
¿En qué feches se va celebrar la primer edición?
La primer edición de la Bienal Climática va desenvolvese n’Avilés y n’otros puntos d’Asturies ente mayu y setiembre del 2026.
¿Fáense actividaes fuera del periodu espositivu principal?
La nuestra actividá nun se limita namás al periodu espositivu principal. A lo llargo del añu, entamamos delles actividaes y eventos especiales que complementen les nuestres esposiciones y ufren formes nueves d’interactuar col arte y la cultura.
Pa tar al día con toes estes iniciatives, recomendámoste que nos sigas nes nuestres redes sociales y que te soscribas al nuestru newsletter. Al traviés d’estes canales, anunciamos puntualmente toles novedaes.