1er EDICIÓN:
ENSAYAR LO INESPERAO
AVILÉS · ASTURIES 2026
Col títulu Ensayar lo inesperado, la primer edición de la Bienal Climática señala la posibilidá de crear espacios d’alcuentru, escucha y esperimentación al traviés del arte, capaces de sobreponese a la urxencia ambiental o la polarización. “Ensayar” plantégase equí como un aprendimientu compartíu, un xestu que se despliega n’acción y en diálogu con otros. “Lo inesperao” abre un campu de posibilidaes: práctiques, imaxinarios y maneres de vida que surden del presente y proyecten formes nueves d’habitar xuntes/os el mundu. Ensayar lo inesperado propón aceptar la incerteza como terrén d’acción, ensin resignase a esperar la catástrofe.
Puntu de partida, sitiu de vuelta
La selección d’Avilés y Asturies pa la primer edición de la Bienal Climática nun ye casual: el territoriu vive un momentu clave de transición.
Dende les instituciones públiques, impúlsase una axenda de cambéu qu’apuesta por un modelu de ciudá más sostenible y integrador, empobináu a repensar la rellación cola redolada, reimaxinar el futuru industrial, revitalizar barrios vulnerables y empoderar a les persones moces como custodios del clima y la cultura.
La Bienal Climática: arte, industria y territoriu inxértase nesti procesu como axente activu, facilitando la collaboración pente medies de práctiques artístiques y investigación interdisciplinar aplicaes al sector públicu, sofitando acciones con colectivos locales y favoreciendo espacios pal diálogu, la creación y l’alcuentru.
Collage cartográfico de Avilés
Elisa Cuesta, 2024
Análisis territorial pre bienal
Pártese d’una llectura asitiada del territoriu, qu’integra entrevistes a axentes locales, datos socioeconómicos, ambientales y culturales, y dexa detectar puntos de conexón ente retos locales y dinámiques globales, sobre manera tocante a la emerxencia climática. N’Avilés, les tensiones del presente y los imaxinarios del futuru conviven nun territoriu cargáu de memoria, potencial y urxencies compartíes. Esti análisis asítiase na ciudá avilesina y irradia al restu d’Asturies.
Una cartografía crítica, realizada pola artista asturiana Elisa Cuesta, y el procesu de mediación con organizaciones locales lideráu pola investigadora Zoe López, foron fundamentales p’articular un procesu d’escucha y un mapéu sensible pa detectar problemátiques compartíes, fomentar aliances ente axentes diversos y activar imaxinarios.
- Industries presentes
Esta exa temática trata una pregunta central pal territoriu asturianu: ¿cómo pensar la industria nel presente ensin borrar les sos buelgues nin clausurar los sos futuros? Atiende tamién a la necesidá de repensar la industria, la mayor actividá humana facedora de clima a nivel global.
- Estación Meteo
Estación Meteo propón formes nueves de reparar, interpretar y comunicar lo atmosférico nun contestu d’emerxencia ambiental. Los proyectos de la Estación Meteo surden de residencies artístiques desenvueltes en diálogu cola Axencia Estatal de Meteoroloxía (AEMET) y otros organismos científicos.
- Duelos y allegríes
Esta exa temática atiende a lo que nos sofita física y espiritualmente: el cuerpu, el ritual, la comida, la espiritualidá y la memoria como espacios onde acompañar los pasos del cambéu. Duelos y allegríes encara la dimensión humana, afectiva y sensible de les transiciones: aquello que se pierde, lo que duel, pero tamién lo que se celebra y s’imaxina colectivamente.
Programa públic
Acompasando tou esti treme, el programa públicu de la Bienal Climática propón una serie d’alcuentros dende los que caltener el diálogu y el disensu: sitios pa pensar dende la complexidá y facelo coles ferramientes sensibles que l’arte ufierta. Al traviés de micro-teatru, proyecciones de cine, performances, conciertos o charles, el programa públicu de la bienal quier ampliar el so algame a públicos inesperaos.