1.er Edición Ensayar lo inesperao

La Bienal Climática ye un espaciu d’alcuentru abiertu a la ciudadanía. Un sitiu onde persones y organizaciones de perfiles bien distintos reúnense pa reflexonar, conversar, imaxinar y debatir sobre los grandes retos del nuestru tiempu. Al traviés del arte, la cultura y el paisaxe, la bienal convídanos a reflexonar sobre cuestiones que nos afecten a toos: la industria y l’emplegu del futuru, la rellación ente’l mundu rural y el mundu urbanu, o cómo fortalecer la convivencia democrática.

Plantéase un averamientu al territoriu al traviés de metodoloxíes artístiques y de mediación cultural qu’axunta voces variaes pa reconocer los temes qu’importen. La bienal funciona asina como un mediu qu’amplifica lo que yá existe y xenera conexones nueves col ámbitu global.

El programa axunta a más de cuarenta artistes y colectivos. Munches de les obres adquiriéronse o produxéronse específicamente pa esta edición. Delles pieces formen parte de la Colección Estatal d’Arte y Clima del Ministeriu pa la Transición Ecolóxica y el Retu Demográficu, una colección en crecimientu que va acompañar ediciones futures de la Bienal. Otres son frutu de residencies artístiques desenvueltes na Axencia Estatal de Meteoroloxía, la Fundación Ciudad de la Energía y la Factoría Cultural d’Avilés.

La Bienal tamién presenta proyectos en procesu que van siguir evolucionando tres d’esta edición, amás d’intervenciones n’equipamientos públicos —como biblioteques— al traviés de proyectos d’arquitectura participativa.

Esti programa espositivu estructúrase en tres grandes exes:

El programa públicu de la Bienal Climática abre espacios de diálogu inspiraos nes obres y los sitios que la acueyen. Una invitación a escuchar y compartir miraes dende l’arte, nun ambiente abiertu y participativu.