1.er Edición Ensayar lo inesperao
Avilés, Asturies 12.06 → 20.09
Averamientu al territoriu
Plantéase un averamientu al territoriu al traviés de metodoloxíes artístiques y de mediación cultural qu’axunta voces variaes pa reconocer los temes qu’importen. La bienal funciona asina como un mediu qu’amplifica lo que yá existe y xenera conexones nueves col ámbitu global.
Una cartografía crítica d’Avilés, munches voces, Elisa Cuesta
Integra entrevistes a axentes locales, datos socioeconómicos, ambientales y culturales, y dexa detectar puntos de conexón ente retos locales y dinámiques globales, sobre manera en rellación cola emerxencia ambiental y el clima social.
Un procesu de mediación cultural con organizaciones rurales locales pa construyir 'En Colectivo’
"En Colectivo" ye la llinia de trabayu qu’acompaña a organizaciones que yá tán ensayando formes de vida sostenibles y a les sos comunidaes, cola mira de fortaleceles y texer redes ente elles.
Programa espositivu
El programa axunta a más de cuarenta artistes y colectivos. Munches de les obres adquiriéronse o produxéronse específicamente pa esta edición. Delles pieces formen parte de la Colección Estatal d’Arte y Clima del Ministeriu pa la Transición Ecolóxica y el Retu Demográficu, una colección en crecimientu que va acompañar ediciones futures de la Bienal. Otres son frutu de residencies artístiques desenvueltes na Axencia Estatal de Meteoroloxía, la Fundación Ciudad de la Energía y la Factoría Cultural d’Avilés.
La Bienal tamién presenta proyectos en procesu que van siguir evolucionando tres d’esta edición, amás d’intervenciones n’equipamientos públicos —como biblioteques— al traviés de proyectos d’arquitectura participativa.
Esti programa espositivu estructúrase en trés grandes exes:
Enar de Dios Rodríguez, Above all [film still]. 2025
Obres que proponen formes nueves de mirar y comunicar lo atmosférico nun contestu de cambéu climáticu.
Andrea Molina, Sin título. Imagen procesual de la Residencia en CIUDEN. 2026
Una mirada al heriedu industrial y a los futuros posibles de la industria.
Sara Garcia, Molding Mourning Mouths [video still]. 2025
Una esploración de lo que nos sofita física y espiritualmente nos procesos de tresformación: lo que se pierde, lo que duel y tamién lo que se celebra y imaxina colectivamente.
Programa públicu
El programa públicu de la Bienal Climática abre espacios de diálogu inspiraos nes obres y los sitios que la acueyen. Una invitación a escuchar y compartir miraes dende l’arte, nun ambiente abiertu y participativu.
Conversaciones que nacen del arte
Los espacios y les obres de la bienal acueyen una serie de alcuentros abiertos al debate públicu. Diseñaos xunto a organizaciones d’ámbitos variaos y colos mesmos artistes, estos diálogos garren como puntu de partida les práctiques artístiques delprograma espositivu.
Nuevos formatos pa conversar
La Bienal quier esperimentar formatos que superen la rixidez de les conversaciones que se producen n’espacios formales convencionales, pa favorecer la participación de persones que nun avecen tar representaes, y pa crear una disposición pa la escucha y l’averamientu ente quien tienen idees o perspectives diferentes. Va haber conversaciones al tiempu que se camina, debates al aire llibre n’espacios públicos y propuestes de teatru participativu, ente otros formatos.
Un espaciu pal entendimientu
El programa públicu busca construyir un espaciu cívicu onde seya posible dialogar ensin polarización. Convida a convivir nel desalcuerdu dende’l respetu, a reconocer les diferencies y a atopar puntos d’alcuentru nun tiempu enllenu de cambeos y incertidumes.
