Visita
Avilés acueye la primer edición de la Bienal Climática: arte, industria y territoriu, un alcuentru que sitúa la ciudá nel centru de conversaciones fundamentales sobre'l presente y los futuros posibles. Nesti contestu, convida a esplorar los sos espacios culturales, el so patrimoniu y los principales llugares d'interés, amás d'actividaes y opciones d'agospiu pa esfrutar de la estancia na ciudá.
¿Cómo llegar a Avilés?
Llegar a Avilés tamién puede formar parte del compromisu con una transición más sostenible. Pa los desplazamientos, suxerímosvos:
Dende España
Priorizar el tren y el tresporte públicu siempres que seya posible. Avilés cuenta con conexones ferroviaries y d'autobús dende distintes ciudaes, amás d'una rede llocal que permite percorrer cómodamente la ciudá a pie.
TREN | RENFE: conexones ferroviaries nacionales de llarga distancia y cercaníes con Asturies y Avilés.
AUTOBÚS | ALSA: principal compañía d'autobuses con rutes nacionales, rexonales y conexones directes col Aeropuertu d'Asturies.
COCHE: Si decídis viaxar en coche particular, animámoste a compartir el trayectu y venir col vehículu completu. Amás de reducir emisiones y optimizar recursos, compartir el viaxe ye tamién una oportunidá pa que más persones puedan averase y esfrutar xuntes de la Bienal Climática.
Dende otros países
Optar por vuelos directos cuando seya posible y complementar el trayectu utilizando tresporte públicu. L'Aeropuertu d'Asturies atópase a menos de venti minutos d'Avilés y dispón de conexones n'autobús y taxi compartíu.
AVIÓN | Aeropuertu d'Asturies: principal puerta aérea internacional de la rexón, asitiáu a unos venti minutos d'Avilés.
La Bienal Climática apuesta por una movilidá más consciente, fomentando formes de viaxar que reduzan l'impautu ambiental y permitan esfrutar del territoriu con otru ritmu y otra mirada.
Información para la so estancia
Avilés y el so entorno cuenten con una amplia ufierta d'agospiu que permite descubrir Asturies de forma cómoda y sostenible. Recomendamos priorizar opciones na mesma ciudá, asina como agospiamientos bien comunicaos por aciu el tresporte públicu, asitiaos a poca distancia de los espacios de la Bienal o venceyaos a iniciatives de sostenibilidá y turismu responsable.
¿Qué facer n'Avilés?
Avilés foi ún de los puertos más importantes del Cantábricu. El so cascu históricu peatonalizáu convida a percorrer cais empedraes, soportales, places, palacios y monumentos que dan cuenta de la memoria y les tresformaciones de la ciudá. A ello súmense una reconocida tradición gastronómica y una intensa vida cultural, que formen parte de la esperiencia d'habitar y comprender el territoriu.
