¿Quién entama la Bienal Climática?
La Bienal Climática: arte, industria y territoriu naz como frutu d’una alianza ente instituciones variaes, impulsada pol Ministeriu pa la Transición Ecolóxica y el Retu Demográficu, el Ministeriu de Cultura, el Ministeriu de Vivienda y Axenda Urbana, el Principáu d’Asturies, el Conceyu d’Avilés y la Fundación Atelier itd. Cunta tamién col sofitu de la Fundación Daniel y Nina Carasso y el Community Arts Lab by Porticus
¿La Bienal tien dalguna temática central o llinia curatorial definida?
La Bienal Climática nun parte d’un tema zarráu nin d’una imposición temática previa. La bienal propón un modelu nómada basáu na escucha fonda del territoriu, de manera que la llinia curatorial defínese a partir de les particularidaes de cada sitiu.
Los temes identifíquense xunto a axentes locales, teniendo en cuenta la so historia, arquitectura, polítiques públiques, llingües y formes de vida. Pa eso, la bienal usa metodoloxíes artístiques y interdisciplinaries, como la cartografía crítica o la mediación cultural, que dexen lleer el territoriu dende perspectives nueves.
Al cruciar l’análisis del territoriu col clima atmosféricu y el clima social, configúrense los ámbitos temáticos de cada edición.
Ver los temes de la primer edición nes secciones “programa espositivu” y “programa públicu”.
¿Ye posible mandar una obra, proyectu artísticu o propuesta espositiva pa la edición viniente?
La selección de proyectos artísticos realízala l’equipu comisarial de la Bienal. En delles llinies específiques —como residencies artístiques, adquisiciones o proyectos puntuales— cuntamos tamién cola collaboración de comisaries esternes especializaes n’arte y clima.
Debíu al volume altu de propuestes que recibimos, anguaño trabayamos namás con invitación directa por parte del equipu curatorial.
Les convocatories públiques futures van anunciase al traviés de les nuestres canales oficiales.
¿La Bienal ufierta programes de residencia?
La Bienal Climática punxo en marcha dos programes nuevos de residencies que vinculen l’arte, la ciencia, la tecnoloxía y la sociedá (ACTS) coles polítiques públiques. Al traviés de la collaboración cola Axencia Estatal de Meteoroloxía (AEMET) y la Fundación Ciudad de la Energía (CIUDEN) del MITECO, la bienal empecipió les residencies ACTS Meteo y ACTS Transiciones Xustes, nes que 10 artistes trabayen xunto a los equipos de la AEMET y CIUDEN na creación d’obres d’arte. Estes residencies son comisariaes y nun cunten con convocatoria abierta.
Per otru llau, la Bienal Climática empecipió una collaboración cola Factoría Cultural d'Avilés pa fortalecer el so programa de residencies y vinculalu a la investigación climática y la creación interdisciplinar. Nesti casu, sí existe una convocatoria abierta con beques pa artistes locales, nacionales y internacionales.
¿Cómo pue recibise información actualizada sobre la Bienal?
Pa recibir información actualizada sobre la Bienal Climática, soscríbite a la nuestra newsletter.
¿Ónde puen realizase otres consultes?
Si tienes otres preguntes, puedes contactar col nuestru equipu al traviés d’esti enllaz.
Pidímoste que completes tolos campos necesarios pa que podamos responder a la to consulta cola mayor precisión posible. A causa del volume altu de solicitúes, estimamos la to paciencia mientres procesamos el to mensaxe.
¿Cómo pueden los medios de comunicación contactar cola Bienal Climática?
Los medios de comunicación pueden contactar cola Bienal Climática al traviés del nuestru formulariu de contactu. Por favor, garra la opción «Medio de Comunicación» nel campu «Soi o pertenezo a» y indica’l nome del to mediu pa que podamos dirixir la to consulta al equipu apropiáu.
