Paséu a pie pola cola de la ría d’Avilés, siguiendo’l cursu d’El Río Tuluergo dende la ponte de San Sebastián —al pie del Centru Niemeyer— hasta la zona de La Marzaniella.

Un percorríu d’unos trés quilómetros al pie del agua que convida a mirar, con detalle, les tresformaciones del paisaxe. A lo llargo del paséu fáense visibles les buelgues d’un modelu de crecedera urbana y industrial mui intensa, amás de los sos efectos sobre l’entornu fluvial y estuarinu. Al mesmu tiempu, apaecen señales de recuperación: la vexetación que vuelve, la presencia d’aves y la vida que remanez nun espaciu que tuvo al límite.