Andrea Molina Cuadro (Madrid, 1993) llegó al arte dende l’arquitectura. Cofundadora d’Estudiu Latente y Latent Ecologies, el so trabayu asítiase na intersección ente diseñu, arte, humanidaes y ecoloxía, usando la cartografía crítica y la narrativa de ficción pa fomentar la resurxencia ecolóxica de los territorios. Anguaño desenvuelve la so investigación doctoral na University of California, Los Ángeles (UCLA).

en transición (2026) ye una instalación audiovisual a dos canales qu’esplora la tresformación de los paisaxes mineros d’Asturies y El Bierzo nel contestu de los procesos actuales de transición enerxética. Desenvuelta nes residencies ACTS (Arte, Ciencia, Tecnoloxía y Sociedá) xunto al Institutu de Transición Xusta de la Fundación Ciudá de la Enerxía (CIUDEN) del Ministeriu pa la Transición Ecolóxica y el Retu Demográficu (MITECO), la obra pregunta qué significa transicionar nun territoriu marcáu por décades d’estracción y combustión del carbón. La proyección esplégase sobre dos superficies reflexaes en módulos d’espeyu autoportantes ente los que’l visitante circula, integrándose a escala real nel paisaxe. Trés Llaboratorios s’alimenten de la instalación con materiales producíos colectivamente mientres la esposición, convirtiendo la obra nun archivu vivu que se reescribe con cada conversación.