Sonia Navarro (Puerto Lumbreras, 1975) ye una artista que combina escultura, instalación, fotografía y dibuxu p'abordar cuestiones de poder, xéneru y memoria del trabayu.

La so formación en Belles Artes y Fotografía compleméntase con un aprendizaxe inicial de costura y sastrería heredadáu de les sos güeles, un elementu clave na so práctica artística. Al traviés de materiales y téuniques testiles, la so obra confronta los mecanismos institucionales que históricamente asociaron a les muyeres col trabayu domésticu y la falta de movilidá, reflexonando sobre les estructures sociales que perpetúen estes xerarquíes.

Recibió reconocimientos como la Beca de Roma y el Premiu d'Artes Visuales del Ministeriu de Cultura. El so trabayu presentóse n'instituciones como'l Muséu Patio Herreriano, l'Academia d'España en Roma y la Fundación Cerezales, amás de galeríes como T20, Rafael Ortiz o Vilaseco, y forma parte de colecciones como la del Muséu Reina Sofía.