Marion Balac (Aix-en-Provence, Francia, 1984) investiga cómo les imáxenes y los llinguaxes dixitales condicionen la nuestra manera de percibir el mundu y rellacionanos con él. En pov (2026), instalación audiovisual desenvuelta nel marcu de les residencies ACTS (Arte, Ciencia, Tecnoloxía y Sociedá) xunto a l’Axencia Estatal de Meteoroloxía (AEMET), l’artista tresllada esta investigación al ámbitu climáticu y pregúntase: ¿cómo s’entiende’l clima dende una perspectiva non humana?

La obra axunta una serie de vídeos inspiraos en formatos propios de les redes sociales —house tours, ASMR o get ready with me— nos qu’animales y otros seres non humanos garren comportamientos vinculaos a la cultura dixital contemporánea. Al traviés d’esti encruz ente llinguaxes d’Internet y formes de conocimientu como la meteoroloxía o la fenoloxía, la pieza introduz una fricción ente distintes maneres de observar y narrar l’entornu. La presencia d’especies como l’osu pardu cantábricu o’l coral Lophelia pertusa, vinculaes al territoriu asturianu onde se desenvuelve la Bienal Climática, asitia la obra nuna reflexón sobre los efectos del cambéu climáticu y les formes de convivencia ente especies.