Mil leches (2024) ye una pieza testil realizada con llana procedente de les cincuenta y dos races ovines reconocíes nel Catálogu Oficial del Ministeriu d’Agricultura d’España. Al traviés d’esti archivu material de la diversidá xenética y cultural del ganáu ovín, la obra cuestiona les narratives de pureza y progresu llinial asociaes a la modernización agrícola y reivindica’l mestizaxe como principiu de resiliencia biolóxica y cultural. La pieza recuerda, amás, que la llana merino —resultáu d’encruces ente oveyes norteafricanes y variedaes autóctones— foi ún de los productos ganaderos clave na formación de los primeros circuitos financieros modernos europeos, con relevancia especial na Bolsa d’Ámsterdam nos oríxenes del capitalismu mercantil. Dende ehí, Molinos asitia’l mundu rural nel centru de la xenealoxía de la modernidá económica y tecnolóxica, cuestionando la separación histórica ente ruralidá y innovación.