Naiza Khan (Bahawalpur, Pakistán, 1968) esplora cómo los cuerpos, los territorios y los océanos queden marcaos poles inscripciones del poder y polos legaos coloniales. La so práctica multidisciplinar garra dibuxu, fotografía, videu, soníu y archivu, entendiendo la cartografía como una de les tecnoloxíes qu’históricamente organizaron estes rellaciones.

Study to Find a Geometry Non. I & II (2024) esplega una estructura asemeyada a una plantiya sobre dos imáxenes bien distintes: una pintura del sieglu XVII d’un puestu comercial de la Compañía Holandesa de les Indies Orientales en Bengala —enclave productor de seda y mercancíes pa les rutes marítimes euroasiátiques y una de les primeras formes d’industria global— y una fotografía realizada pola propia artista del crecimientu urbanu de Karachi nel 2021. Al estrayer la xeometría qu’organiza dambos paisaxes, Khan muestra cómo l’espaciu s’ordena en función del poder. En Portus, antiguu astilleru del puertu d’Avilés, les pieces atopen otra vera d’esa mesma rede de puertos, infraestructures y rutes que mientres sieglos sostuvieron la vida industrial.