Vir Andrés Hera (Yauhquemehcan, México, 1990) esplora la escucha como una forma d’aportar a aquello que de normal queda fuera del algame de la percepción. Al traviés del soníu, la instalación y la performance, l’artista construye espacios onde conviven memories, presencies invisibles y formes non normatives de rellación col territoriu, el llinguaxe y lo espiritual.

Some Ghosts Look Like Yogurt (2026) consiste nuna gran estructura metálica que recuerda a una ancla, una embarcación o una culiebra. Sobre una moqueta rosada espléguense llibros, fotografíes y oxetos organizaos como una mesa d’investigación espandida alredor de la escucha, el suañu y la espectralidá. Integraos na escultura, dos altavoces emiten soníos xeneraos por xeófonos que garren les vibraciones del espaciu espositivu y tresfórmenles nuna escucha alteriada de la redolada. Pensada como instrumentu pa una performance ritual que va tener llugar na clausura de la Bienal Climática, la obra permanez mientres la esposición nun estáu d’espera, como un dispositivu cargáu d’una enerxía tovía latente. Hera propón asina una escucha movida del espaciu: una forma d’atender a señales, presencies y movimientos que traviesen la redolada primero inclusive de facese visibles.