Gabriela Bettini (Madrid, 1977) esplora la rellación ente paisaxe, memoria y violencia al traviés d’una pintura que cuestiona cómo la naturaleza foi representada, narrada y usada a lo llargo de la historia. El so trabayu investiga los rexímenes visuales del estractivismo: imáxenes, relatos y formes de representación qu’acompañaron la espansión colonial y industrial y afianzaron determinaos imaxinarios de progresu sobre los territorios y los sos recursos naturales.

Chuquicamata II (2021), presentada na Bienal Climática, retrata la xigantesca mina a cielu abiertu asitiada nel norte de Chile al traviés d’un sistema d’imáxenes superpuestes que dexa observar simultáneamente distintes temporalidaes del paisaxe. Combinando archivos fotográficos contemporáneos y referencies al paisaxismu colonial andín, Bettini conecta les economíes estractives históriques coles narratives nueves de la transición ecolóxica, nes que minerales estratéxicos como’l cobre vuelven ocupar un llugar central na industria contemporánea.